(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 166

॥ శ్రీః ॥
1.166. అధ్యాయః 166
Mahabharata - Adi Parva - Chapter Topics
కుంతీహిడింబాసంవాదః॥ 1 ॥ హిడింబావార్తయా భీమం హిడింబేన యుద్ధ్యమానం జ్ఞాతవతాం కుంత్యాదీనాం తత్ర గమనం॥ 2 ॥ హిడింబవధః॥ 3 ॥
Mahabharata - Adi Parva - Chapter Text

వైశంపాయన ఉవాచ। 1-166-0x(970)(7577)
ప్రబుద్ధాస్తే హిడింబాయా రూపం దృష్ట్వాతిమానుషం।
విస్మితాః పురుషవ్యాఘ్రా బభూవుః పృథయా సహ॥ 1-166-1(7578)
తతః కుంతీ సమీక్ష్యైనాం విస్మితా రూపసంపదా।
ఉవాచ మధురం వాక్యం సాంత్వపూర్వమిదం శైనః॥ 1-166-2(7579)
కస్య త్వం సురగర్భాభే కావాఽసి వరవర్ణిని।
కేన కార్యేణ సంప్రాప్తా కుతశ్చాగమనం తవ॥ 1-166-3(7580)
యది వాఽస్య వనస్య త్వం దేవతా యది వాఽప్సరాః।
ఆచక్ష్వ మమ తత్సర్వం కిమర్థం చేహ తిష్ఠసి॥ 1-166-4(7581)
హిడింబోవాచ। 1-166-5x(971)
యదేతత్పశ్యసి వనం నీలమేఘనిం మహత్।
నివాసో రాక్షసస్యైష హిడింబస్య మమైవ చ॥ 1-166-5(7582)
తస్య మాం రాక్షసేంద్రస్య భగినీం విద్ది భామిని।
భ్రాత్రా సంప్రేషితామార్యే త్వాం సపుత్రాం జిఘాంసతా॥ 1-166-6(7583)
క్రూరబుద్ధేరహం తస్య వచనాదాగతా త్విహ।
అద్రాక్షం నవహేమాభం తవ పుత్రం మహాబలం॥ 1-166-7(7584)
తతోఽహం సర్వభూతానాం భావే విచరతా శుభే।
చోదితా తవ పుత్రార్థం మన్మథేన వశానుగా॥ 1-166-8(7585)
తతో వృతో మయా భర్తా తవ పుత్రో మహాబలః।
అపనేతుం చ యతితో న చైవ శకితో మయా॥ 1-166-9(7586)
చిరాయమాణాం మాం జ్ఞాత్వా తతః స పురుషాదకః।
స్వయమేవాగతో హంతుమిమాన్సర్వాంస్తవాత్మజాన్॥ 1-166-10(7587)
స తేన మమ కాంతేన తవ పుత్రేణ ధీమతా।
బలాదితో వినిష్పిష్య వ్యపనీతో మహాత్మనా॥ 1-166-11(7588)
వికర్షంతౌ మహావేగౌ గర్జమానౌ పరస్పరం।
పశ్యైవం యుధి విక్రాంతావేతౌ చ నరరాక్షసౌ॥ 1-166-12(7589)
వైశంపాయన ఉవాచ। 1-166-13x(972)
తస్యాః శ్రుత్వైవ వచనముత్పపాత యుధిష్ఠిరః।
అర్జునో నకులశ్చైవ సహదేవశ్చ వీర్యవాన్॥ 1-166-13(7590)
తౌ తే దదృశురాసక్తౌ వికర్షంతౌ పరస్పరం।
కాంక్షమాణౌ జయం చైవ సింహావివ బలోత్కటౌ॥ 1-166-14(7591)
అథాన్యోన్యం సమాశ్లిష్య వికర్షంతౌ పునఃపునః।
దావాగ్నిధూమసదృశం చక్రతుః పార్థివం రజః॥ 1-166-15(7592)
వసుధారేణుసంవీతౌ వసుధాధరసన్నిభౌ।
బభ్రాజతుర్యథా శైలౌ నీహారేణాభిసంవృతౌ॥ 1-166-16(7593)
రాక్షసేన తదా భీమం క్లిశ్యమానం నిరీక్ష్య చ।
ఉవాచేదం వచః పార్థః ప్రహసంఛనకైరివ॥ 1-166-17(7594)
భీమ మాభైర్మహాబాహో న త్వాం బుధ్యామహే వయం।
సమేతం భీమరూపేణ రక్షసా శ్రమకర్శితాః॥ 1-166-18(7595)
సాహాయ్యేఽస్మి స్థితః పార్థ పాతయిష్యామి రాక్షసం।
నకులః సహదేవశ్చ మాతరం గోపయిష్యతః॥ 1-166-19(7596)
భీమ ఉవాచ। 1-166-20x(973)
ఉదాసీనో నిరీక్షస్వ న కార్యః సంభ్రమస్త్వయా।
న జాత్వయం పునర్జీవేన్మద్బాహ్వంతరమాగతః॥ 1-166-20(7597)
`భుజయోరంతరం ప్రాప్తో భీమసేనస్య రాక్షసః।
అమృత్వా పార్థవీర్యేణ మృతో మా భూదితి ధ్వనిః॥ 1-166-21(7598)
అయమస్మాంస్తు నో హన్యాజ్జాతు పార్థ రాక్షసః।
జీవంతం న ప్రమోక్ష్యామి మా భైషీర్భరతర్షభ॥' 1-166-22(7599)
అర్జున ఉవాచ। 1-166-23x(974)
`పూర్వరాత్రే ప్రయుక్తోఽసి భీమ క్రూరేణ రక్షసా।
క్షపా వ్యుష్టా న చేదానీం సమాప్తోసీన్మహారణః॥' 1-166-23(7600)
కిమేనన చిరం భీమ జీవతా పాపరక్షసా।
గంతవ్యే న చిరం స్థాతుమిహ శక్యమరిందమ॥ 1-166-24(7601)
పురా సంరజ్యతే ప్రాచీ పురా సంధ్యా ప్రవర్తతే।
రౌద్రే ముహూర్తే రక్షాంసి ప్రబలాని భవంత్యుత॥ 1-166-25(7602)
త్వరస్వ భీమ మా క్రీడ జహి రక్షో విభీషణం।
పురా వికురుతే మాయాం భుజయోః సారమర్పయ॥ 1-166-26(7603)
`మాహాత్ంయమాత్మనో వేత్థ నరాణాం హితకాంయయా।
రక్షో జహి యథా శక్రః పురా వృత్రం మహాబలం॥ 1-166-27(7604)
అథవా మన్యసే భారం త్వమిమం రాక్షసం యుధి।
ఆతిష్ఠే తవ సాహాయ్యం శీఘ్రమేవ తు హన్యతాం॥ 1-166-28(7605)
అథవా త్వహమేవైనం హనిష్యామి వృకోదర।
కృతకర్మా పరిశ్రాంతః సాధు తావదుపారమ॥' 1-166-29(7606)
వైశంపాయన ఉవాచ। 1-166-30x(975)
అర్జునేనైవముక్తస్తు భీమో రోషాజ్జ్వలన్నివ।
బలమాహారయామాస యద్వాయోర్జగతః క్షయే॥ 1-166-30(7607)
తతస్తస్యాంబుదాభస్య భీమో రోషాత్తు రక్షసః।
అత్క్షిప్యాభ్రామయద్దేహం తూర్ణం శతగుణం తదా॥ 1-166-31(7608)
`ఇతి చోవాచ సంక్రుద్ధో భ్రామయన్రాక్షసీం తనుం।
భీమసేనో మహాబాహురభిగర్జన్ముహుర్ముహుః॥' 1-166-32(7609)
భీమ ఉవాచ। 1-166-33x(976)
నరమాంసైర్వృథా పుష్టో వృథా వృద్ధో వృథామతిః।
వృథామరణమర్హస్త్వం వృథాద్య న భవిష్యసి॥ 1-166-33(7610)
క్షేమమద్య కరిష్యామి యథా వనమకంటకం।
న పునర్మానుషాన్హత్వా భక్షయిష్యసి రాక్షస॥ 1-166-34(7611)
వైశంపాయన ఉవాచ। 1-166-35x(977)
ఇత్యుక్త్వా భీమసేనస్తం నిష్పిష్య ధరణీతలే।
బాహుభ్యామవపీడ్యాశు పశుమారమమారయత్॥ 1-166-35(7612)
స మార్యమాణో భీమేన ననాద విపులం స్వనం।
పూరయంస్తద్వనం సర్వం జలార్ద్రే ఇవ దుందుభిః॥ 1-166-36(7613)
బాహుభ్యాం యోక్త్రయిత్వా తం బలవాన్పాండునందనః।
`సముద్ధాంయ శిరశ్చాస్య సగ్రీవం తదపాహరత్॥ 1-166-37(7614)
తతో భిత్త్వా శిరశ్చాస్య సగ్రీవం తదుదాక్షిపత్।
తస్య నిష్కర్ణనయనం నిర్జిహ్వం రుధిరోక్షితం॥ 1-166-38(7615)
ప్రావిద్ధం భీమసేనేన శిరో విదశనం బభౌ।
ప్రసారితభుజోద్ధృష్టో భిన్నమాంసత్వగంతరః॥ 1-166-39(7616)
కబంధభూతస్తత్రాసీద్దనుర్వజ్రహతో తథా।
హిడింబం నిహతం దృష్ట్వా సంహృష్టాస్తే తరస్వినః॥ 1-166-40(7617)
హిడింబా సా చ సంప్రేక్ష్య నిహతం రాక్షసం రణే।
అదృశ్యాశ్చైవ యే స్వస్స్థాః సమేతాః సర్షిచారణాః॥ 1-166-41(7618)
పూజయంతి స్మ తం హృష్టాః సాధుసాధ్వితి పాండవం।
భ్రాతరశ్చాపి సంహృష్టా యుధిష్ఠిరపురోగమాః॥ 1-166-42(7619)
అపూజయన్నరవ్యాఘ్రం భీమసేనమరిందమం।'
అభిపూజ్య మహాత్మానం భీమం భీమపరాక్రమం।
పునరేవార్జునో వాక్యమువాచేదం వృకోదరం॥ 1-166-43(7620)
అదూరే నగరం మన్యే వనాదస్మాదహం విభో।
శీఘ్రం గచ్ఛామ భద్రం తే న నో విద్యాత్సుయోధనః॥ 1-166-44(7621)
తతః సర్వే తథేత్యుక్త్వా మాత్రా సహ మహారథాః।
ప్రయయుః పురుషవ్యాఘ్రా హిడింబా చైవ రాక్షసీ॥ ॥ 1-166-45(7622)

ఇతి శ్రీమన్మహాభారతే ఆదిపర్వణి హిడింబవధపర్వమి షట్షష్ట్యధికశతతమోఽధ్యాయః॥ 166 ॥

Mahabharata - Adi Parva - Chapter Footnotes
1-166-8 భావే చిత్తే॥
1-166-11 వ్యపనీతో దూరే నీతః॥
1-166-21 ఇతిధ్వనిర్మాభూదితి సంబంధః॥
1-166-24 గంతవ్యే సతి చిరం స్థాతుం న శక్యం॥
1-166-28 అథవేతి ద్వయం ప్రోత్సాహనార్థం॥
1-166-33 వృథామరణం స్వర్గాద్యప్రయోజకం మరణం॥
షట్షష్ట్యధికశతతమోఽధ్యాయః॥ 166 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.